Eingongsgrill/kolgrill

• Grillen skal stå trygt og stødig med god avstand til brennbart materiale, også frå undersida
• Ikkje bruk meir tennvæske enn naudsynt, og aldri på varm grill
• Ver varsam ved opptenning av grillen
• Ha alltid ei bøtte vatn eller ein hageslange nær grillen. Ved bruk av eingongsgrill, ta med ei stor flaske vatn.
• Pass på at grillen er sløkt, og at oska er kald før du kastar den på ein sikker stad. Eingongsgrill bør sløkkjast med vatn etter bruk.

Gassgrill

• Før du opnar for gassen på behaldaren, pass på at alle blussar er stengde
• Tenn alltid grillen rett etter at gasstilførselen er opna
• Når du er ferdig å grille, sjekk at både gassblussane og flaskeventilen er stengd
• Sjekk slangar jamnleg for sprekkar og lekkasjar
• Kjenner du gasslukt og mistenkjer lekkasje, steng straks av gassen på gassflaska og flytt flaska til ein sikker stad

Felles for all grilling

• All grilling skal skje utandørs
• Barn og kjæledyr skal aldri vere åleine eller leike nær ein tent grill
• Hald grillen under oppsyn så lenge den er varm
• For mykje alkohol og grilling høyrer ikkje saman
• Ha førstehjelpsutstyr for behandling av brannskader tilgjengeleg